Ángel da Hera (Jerez de la Frontera, 2002) é un novo compositor e artista sonoro que estreou obras en festivais como o XX e XXI Festival de Música Española de Cádiz, no Festival Mixtur 2023 ou a Bienal de Música de Zagreb 2025, entre outros. As súas obras estreáronse en escenarios como o Teatro da Zarzuela, o Auditorio Nacional de España, a ESMUC, o Gran Teatro Falla de Cádiz ou o Auditorio 400 do MNCARS. Recentemente, estreou a súa primeira ópera, Sónar, no Real Teatro de Retiro, programada polo Teatro Real na súa tempada 2024/25. Actualmente atópase traballando nunha instalación sonora para unha exposición conxunta cos artistas José Luis Vicario e Tamia Olga Cáceres, na Nave Sotoliva de Santander.